“भिकारी आणि याचक!”
(ललित लेख २६; © डॉ. अमित)
#१००_शब्दांत_कथा
#100_word_story
‘हेक्टिक ड्यूटी’ संपवल्यावर मन प्रसन्न व्हावं म्हणून औरंगाबादेतल्या वरदगणेश मंदिरात जाऊन बसलो होतो..!
दर्शनरांगेतील एकीने माझे लक्ष वेधले... कळकट-मळकट साडीत, सोबत एक फाटकी बॅग घेऊन उभी असलेली साठीतली एक महिला... भिकारीणच ती!
जवळच्या पुडक्यातील १०-१० च्या दोन नोटा आणि एक रुपयाचं नाणं काढून तिथल्या ‘दान’पेटीत टाकून तिने नारळही वाढवला. मग, हात जोडून मनोभावे नमस्कार करून ती पुटपुटली, “असंच ठीव रं बाबा आमास्नी समाधानी; सारकं-सारकं यीत जाईन तुझ्या देवळात; नारळ बी फोडत जाईन तुला...”
परतण्याआधी आणखीन एकदा नमस्कार करून बाहेर पडताना सोन्यात मढलेला एक ‘उच्चभ्रू’ देवासमोरच्या मूषकाच्या कानात याचना करत होता, “एवढं एक टेंडर मिळूदे देवा, तुला पाच सोन्याच्या नारळाचं तोरण बांधीन..!”
(© डॉ. अमित सुमन तुकाराम पाटील,
एम. बी. बी. एस., एम. डी. (बालरोग चिकित्साशास्त्र))
केवळ वॉट्सॲप संपर्क- ८३२९३८१६१५
सुख कशात आहे हे याचे बोलके उदाहरणं
ReplyDeleteदोन भिन्न प्रवॄत्तीच्या,वर्गाच्या भिन्न व्यक्तींच्या मानसिकतेचे मार्मीक विवेचन ही कथा करते. या कथेतील स्त्री ही भिकारी असली तरी देण्याची नियत ठेवते म्हणजेच भिकारी असूनही देण्याची वॄत्ती ठेवते व आपल्या कुटुंबाला सुखी ठेवण्याची प्रार्थना करते .परंतु त्याच्या अगदी विरुद्ध वर्तन गर्भश्रीमंत व्यक्ती करतो व आपल्या स्वार्थासाठी प्रार्थना करतो व सर्व असूनही तो व्यक्ती कुठलेच दान करत नाही.त्यामुळेच या कथेतील स्त्री भिकारी असूनही श्रेष्ठ ठरते तर गर्भश्रीमंत असणारा व्यक्ती भिकारी ठरतो.या कथेतून दोन भिन्न मानसिकतेचा प्रत्यय आपल्याला येतो...
ReplyDeleteएक परिस्थिती मुळे भिकारी आहे तर दुसरा मानसिकतेने भिकारी आहे ....
ReplyDelete