“राशोमोन” (Rashomon)#
(ललित लेख २८; © डॉ. अमित)
(सत्य घटनेवर आधारित)
#१००_शब्दांत_कथा
#100_word_story
२०१५; ग्रामीण रुग्णालय, विरार.
मी एका साडेतीन वर्षांच्या मुलीचे ए. डी. सी.* भरतोय.
बाजूलाच पोलिशी चौकशी चालूयं.
तीन बाजू-
(१) पहिली-
समोरच मुलीचा बाप!
“काय झालं होतं मुलीला?”
“पावण्याच्या लग्नातनं चालत येत हूतो सायेब... वाट्ंला अंदार हुता... बंदाऱ्याचा काट दिसला नसंल पुरगीला... तोल जाऊन खाली मोट्या कातळावर पडली...”
(२) दुसरी-
मुलीची आई.
न विचारताच, “... ह्यनंच ढकलून दिलं माज्या पोरीला. संशे घेत हुता माज्यावर... काल पोरीचा काटा काडला ××××नं... झोडा त्यला स्ठेशनात निऊन...”
(३) खरी-
पोलिस पंचनामा.
“मयत मुलीच्या आईचे लग्नात उपस्थित असलेल्या ***** नामे व्यक्तीशी अनैतिक संबंध होते. मयताच्या वडिलाने सदरबाबत जाब विचारला असता चिडून जाऊन महिला आणि तिच्या प्रियकराने संगनमताने मुलीला बंधाऱ्यावरून ढकलून देऊन तिचा घातपात केला.”
[# राशोमोन- जगप्रसिद्ध सिनेदिग्दर्शक अकिरो कुरोसावा यांचा १९५० साली जपानी भाषेत आलेला गोल्डन लायन, गोल्डन ग्लोब, अकॅडमी अवॉर्ड्सने सन्मानित प्रसिद्ध चित्रपट. यामध्ये एकाच प्रसंगाची तथाकथित साक्षीदारांनी मांडलेल्या बाजू आणि नंतर मृत व्यक्तीने स्वतःहून प्लँचेटद्वारे स्वतःच्या खुनाबद्दल दिलेली माहिती आणि त्याअनुषंगाने समोर आलेल्या विचित्र बाजू यांचे चित्रण करण्यात आलेले आहे.]
[* ए. डी. सी. (ADC)= Advanced Death Certificate= अंतरिम मृत्यू दाखला]
(© डॉ. अमित सुमन तुकाराम पाटील,
एम. बी. बी. एस., एम. डी. (बालरोग चिकित्साशास्त्र))
केवळ वॉट्सॲप संपर्क- ८३२९३८१६१५
Superb
ReplyDeleteतशीच काहीशी 3 बाजु असलेली(भासवलेली) कथा नाना पाटेकर यांची प्रमुख भुमिका असलेल्या "आपला माणुस" या चित्रपटाची आहे.
ReplyDeleteभाषा अतिशय सुंदर व ताळमेळ उत्कृष्ट आहे भाषेचा अभ्यास वाखाणण्याजोगा आहे
ReplyDeleteभाषा अतिशय सुंदर व ताळमेळ उत्कृष्ट आहे भाषेचा अभ्यास वाखाणण्याजोगा आहे
ReplyDelete