दुटप्पीपणा (भाग २) Hypocrisy (Part 2)

दुटप्पीपणा (भाग २)

Hypocrisy (Part 2)

(ललित लेख ३९,

नक्षलग्रस्त भागातील सुदूर असणारे एक कार्यालय...

आदल्या रात्री वरिष्ठांचा कर्तव्यावरील अधिकाऱ्याला फोन येतो.

“उद्या आपल्या डिपार्टमेंटच्या सचिव मॅडम येणार आहेत ‘व्हिजिट’ला. ‘व्यवस्था’ चोख ठेवा. मागच्या वेळी एकाला ‘सस्पेंड’ केलं होतं बाईंनी.”

“बोरसे ना? त्यांचा तर मॅडमच्याच हस्ते ‘उत्कृष्ट कामा’साठी सत्कार झाला होता... तरीही... चुकीचाय ना हे...”

“जाऊ द्याऽऽऽ... चालायचंच... तुम्ही उद्याचं बघा...”

दुसऱ्या दिवशी...

मॅडम म्हणतात, “तुमचं कौतुक आहे. तुम्ही इतक्या दुर्गम भागात राहून काम करता. जेवणाची वगैरे काय व्यवस्था इथे?”

“इथे काहीच उपलब्ध नाही मॅडम... जवळचं हॉटेल ३० किलोमीटरवर आहे...”

“अरे बापरे! अवघडच आहे...”

“हो, मॅडम...”

“ते जाऊदे... आमच्या आजच्या सरबराईचं काय? २५-३० लोक आहेत बरोबर... ‘सीआर’* चांगला हवाय ना.

*सी.आर.- (अधिकाऱ्यांच्या वर्षभरातील कामाचा) गोपनीय अहवाल; हा वरिष्ठांनी गोपनीयपणे लिहायचा असतो.

अमित सुमन तुकाराम पाटील,

एम. बी. बी. एस., एम. डी. (बालरोग चिकित्साशास्त्र))

वॉट्सॲप संपर्क- ८३२९३८१६१५

१०० शब्दांत कथा!